E Rroma andaro Kakanj ćerde khosavipeski akcija pe lokalno buvljak 

Ramosarel: D.A.

Atmosfera pe pijaca šukarel savatonija ando Kakanj. E manuša sigo ćinen, sar te prasten kon ka ćinen majbut vi kon ka ćeren bareder pazaro.  E manuša kataro Kakanj kamen pijaca, a posebno / pala pe kaj bićinel pes phirade šeja, patave, roba.  Goja savatonija o dikhipe sasa aver deso so amen džanas.  Buvljak naj sasa kote numaj bićinde pe pire thanende.

Rroma thaj Rromnja save ćinen phiradi roba pe buvljak, goja savatonija ćidije te  khosaven jal vužaren than pe savo von anen than ćinen piri roba. 

Buvlja pijaca, pe savi majbut Rroma thaj Rromnja ćinen phiravni roba, par brš si pe palo gasavo than thaj e manuša džanen pala gova lokacija.  Pe ulica /drom savi si ande urbani zona e boldine zgradurenca athoska djive kana si pijaca varekan ačhen but gunoj.  

Odolese Zemina Vehabović, organizatorka pala buvlja pijaca, e pire amalenca bićindenca andothan ćinavipe gova savatonija dija mrtik te ćerel khosavipeski akcija.  

“Adjive amen ćerdam o ćhinavipe te ćeras bući, ćinas, te khosavas gova than.  Angla sa pala amen, thaj pala e manušen save dživisaren kate.  E goja akcijasa amen ćeras najisipe odolese so von dije amen gova than pe savo šaj te ćeras bući, theras pala marno, kaj gova si amendje jekhorro šajipe te astaras love ”, vaćarel Zemina Vehabović.

Andari Općina Kakanj mothode kaj sa šaj te džan lačhe, sar vi buvljako, ako si kate jekh korektni manušengi relacija. 

“Adjive naj sasa buvljak,  ali amare furutne save ćinen pe buvljak mothode piro godjipe e trubujipese kaj gova than trubuj te avel bimelalo thaj bizo gunoj.  Odolese von ćerde khosavipeski akcija e thanende pe save sasa buvljak.  Sa, vi buvljak, šaj thaj mora te ćeren ande harmonija e faktesa kaj o gunoj na trubuj te ćhuden thaj kaj mora te avel jekh korektni relacija koring manušende save dživisaren ande gova pašimata sar vi koring sasto amalipe ”, ačhel ando romasardo mothovipe pe općinski rig.

Varekan e manušende trubuj numaj šajipe.  Goja akcija si dokaz /mothodipe kaj lokalno amalipe vi Rroma vi Rromnja save dživinen andre šaj te roden kompropiso / ćhinadipe savo ka avel savorenge baro rahatluko.

(Tekst sa bosanskog, prevela Dr. Hedina Tahirović-Sijerč)