Andaro Pedagoško zavodo TK pala Newipe: Gatisarel pe e romane čhibjako andripe ande škole, majbaro problemo si kadar/e manuša save trubuj te ćeren goja bući

Ramosarda: D.M.

Ministarstvo pala edukacija thaj sićipe TK astarda proceso pala Nastavno planesko anipe vi programura pala rromani čhib, kultura vi tradicija e Rromengo.  Pala gova proceso o Ministarstvo dija mandato pala koordinirajuće radno tijelo savo trubuj te anen gova proceso džiko planesko anipe.  Pedagoško zavodo ćerda silabuso pala Nastavno plano vi programo koring “Evropako framo pala averthemeske čhibja”, levelo: A1.1., A1.2. i A2.1., A2.2., vaćarde pala portalo andaro Pedagoško zavodo TK.

“Andi koordinacija thaj ando sasto ažutipe savo dija OSCE Tuzla amen ćhinadas kaj akanutno silabuso trubuj te lačharel vi  ćerel phirutno/i pala rromani čhib.   Pindžardo si kaj ande BiH nane phirutne kadrura pala gova pašimata thaj baro trubujipe si te ćeren gadija kadar / e manuša save trubuj te ćeren goja bući.  E anglunipeste kataro čhon marto 2022. brš, amen bičhalas o silabuso koring phirutno dženo te ćeren nastavne sadržaje save šaj te džan pala diferentnikane levela. Ko anglunipe gova nastava trubuj te avel sar fakultativna ande šorutne / osnovne škole ”, vaćarda prof. Izet Numanović, phirutno pala edukacija. 

Vov dija pride vorba kaj o plano si te džiko septembro trubuj te anel pe Nastavno plano vi programo pala rromani čhib, kultura vi tradicija e Romengo. 

“Amen haćaras kaj ka ćeras gova ako na avena bare barijerura.  Pala amendje savorendje ačhen avindo baro pučipe te roden thaj ćeren nastavno kadro pala gova nastava.   Barikano si te gova proceso si astardo, amen but ćerdam pala peski agorski forma. Pala društeno / amalikano amalipe pala avindi vi durder bući ačhel zadaća te ćerel zuralo vi intenzivno pala kadrovska čhinavipa.  Amen haćaras kaj gova sar garantime čačipa mora te džan ande bući e školako thaj te Rroma sar o them / narodo, amen na mangen te das vorba nacinalno minoriteto, si-len pherdo amalipesko inćaripe ”, dija agorski vorba Numanović.

(Tekst sa bosanskog, prevela Dr. Hedina tahirović-Sijerčić)